တားမြစ်ချက်အမှတ် ၅၂၈

အကြောင်းမဲ့
ချစ်ခဲ့မိတယ်မင်းကို

အမုန်းမဲ့
တွယ်တာခဲ့ပြီ ခုထိ

အလင်းမဲ့
မင်းနဲ့ဝေးတဲ့ နေ့တွေ

အချစ်မဲ့
ချစ်တဲ့မင်းကလွဲရင်လေ

အလှမဲ့
ဘ၀ရဲ့အဖော်ပျောက်နေသူ

အတွေးမဲ့
ဆွေးခဲ့ရတဲ့ရက်များစွာ

သံစဉ်မဲ့
ရှိုက်ခဲ့ငိုမိ ကဗျာလွတ်

ကာရန်မဲ့
လွမ်းခဲ့ စကားလုံးတွေရှာမရလို့

အနာဂတ်မဲ့
အတိတ်ရဲ့ ပျော်ရွှင်ခြင်းကွယ်ပြီမို့

ဆက်လျှောက်ခဲ့
ယိုင်နဲ့နှလုံးသားလွင်တီးခေါင်

နေထိုင်ခဲ့
အသည်းမဲ့ရပ်ဝန်း အလွမ်းကမ္ဘာ

မလာခဲ့နဲ့
မင်းရဲ့ ငမိုက်သား ငါ့လိုကောင်ဆီ

ကိုသူ(၁၆.၁၀.၀၈)

ငါ့ကဗျာ

တစ်ခါတစ်ခါ
ငါ့ကဗျာဟာ
ဘာမှမပါတာလည်း ဖြစ်နေတတ်တယ်...

တစ်ခါတစ်ခါ
ငါ့ကဗျာဟာ
အရာရာ ပါချင်လည်းပါနေမှာပဲ....

တစ်ခါတစ်ခါ
ငါ့ကဗျာဟာ
နူးညံ့တာလည်း တွေ့နေမှာပေါ့....

တစ်ခါတစ်ခါ
ငါ့ကဗျာဟာ
ပေါက်ကွဲတာတွေ ပြည့်ချင်ပြည့်နေမယ်....

တစ်ခါတစ်ခါ
ငါ့ကဗျာဟာ
နာကျဉ်းမှုလည်း ထင်နေမှာပါ......

တစ်ခါတစ်ခါ
ငါ့ကဗျာဟာ
ဟဒယပျော်ရွှင် လန်းချင်လန်းနေ......

တစ်ခါတစ်ခါ
ငါ့ကဗျာဟာ
တမ်းတကာဆွေး လွမ်းတေးရေးပြန်ရော....


တစ်ခါတစ်ခါ
ငါ့ကဗျာဟာ
ဖွင့်ဟကာချစ် ဟစ်ချင်ဟစ်ပါရစေ....


တစ်ခါတစ်ခါ
ငါ့ကဗျာဟာ
ကာရန်တွေထပ် စပ်ချင်စပ်မိ....

တစ်ခါတစ်ခါ
ငါ့ကဗျာဟာ
သီကာစကားလုံး ကုံးချင်ကုံးကြည့်....

တစ်ခါတစ်ခါ
ငါ့ကဗျာဟာ
ဖတ်မှတ်စရာ ပါချင်ပါလိုက်.....

တစ်ခါတစ်ခါ
ငါ့ကဗျာဟာ
ဗလာနတ္ထိ ဘာမှမသိအမှိုက်....

တစ်ခါတစ်ခါ ငါ့ကဗျာအား
ကျောက်သားထက်တွင် အက္ခရာတင်၍
မမေ့ဖတ်ဖို့ မျှော်မှန်းပါ၏....

တစ်ခါတစ်ခါ ငါ့ကဗျာအား
စာပေများအဖြစ် ဖတ်ရစ်မှာစုးလို့
မီးပုံရှို့မလား တွေးမိပါ၏....

ကိုသူ(၁၅.၁၀.၀၈)

အချစ်ပေါင်မုန့်

အချစ်ရယ်
ပေါင်မုန့်တစ်လုံးရယ်
ဝိုင်တစ်ခွက်ရယ်
ဘ၀မယ် ငါရောင့်ရယ်တယ်...တဲ့..
လူထဲကလူ ငါလည်း
အသည်းထဲကတောင်းဆို
အချစ်တော့လိုတာပဲ...
ဝမ်းထဲက အလိုအတွက်
ဝိုင်တစ်ခွက် ပေါင်မုန့်တစ်ခု
ဗိုက်ဖြည့်မှုတော့ လိုမှာပေါ့လေ...
အချစ်အတွက် ချစ်သူရှိမယ်
ဝမ်းအတွက် အစာတစ်ခုရယ်
ပြည့်စုံတယ်လို့ ယူဆပါတယ်...
လောကအတွက် ငါ
ငြိမ်းချမ်းစွာ ရှင်သန်
မှန်ကန်စွာ လှုပ်ရှား
တရားစွာ ရှာဖွေ
ကျင့်နေမယ် ရိုးသားမှု
ထားရှိမယ် စေတနာ
မေတ္တာကို ပွား
မုဒိတာထား
အားလုံးထဲက လူသား
ချစ်ခြင်းအားဖြင့် ဆက်လျှောက်လျက်
အသက်ထက် မြတ်နိုးသူ
အတူတူ လိုက်မလား စဉ်းစားထားကွယ်...........

ကိုသူ(8.10.08)